Historier om vennskap og tilhøyrsle
Kari Stai er illustratør og forfattar, og er særleg kjent for bøkene om Jakob og Neikob. Ho har motteke ei rekkje prisar for arbeidet sitt, mellom anna Brageprisen, Kritikerprisen, Teskjekjerringprisen og Kulturdepartementets prisar for barne- og ungdomslitteratur. Bøkene hennar er omsette til fleire språk og har blitt dramatiserte ved Det Norske Teatret og Turnéteatret i Trøndelag.
Under LITT.MIDT les ho frå den nyaste boka si, Flokken – ei samling på ti historier om Juri, ein tiåring som kjenner seg utanfor. Alle andre verkar å høyre til ein flokk: på fotballaget, i klassen, i familien. Men kven høyrer Juri til?
Flokken er ei klok og sårbar bok om vennskap, tilhøyrsle og identitet – for barn mellom 9 og 12 år, og for alle som har vore det ein gong.
Arrangementet er en del av LITT.MIDT - Litteraturfestivalen i Midt-Norge
Foto: Janne Amalie Svit