SMÅBILETE - EI FORESTILLING BYGD PÅ TEKSTAR AV KRISTOFER UPPDAL
Ramma rundt 1.mai-arrangementet i Steinkjer i 2025 er Steinkjer sin store forfattar - arbeidardiktaren Kristofer Uppdal.
Arrangementet startar med tale ved bautaen og ender med ein times framsyning basert på Kristofer Uppdals forfattarskap på Klubbscenen i Samfunnshuset kl. 16.00.
Utgangspunktet for idéen til forestillinga er Magnar Grøndals korkomposisjonar på dikt av Uppdal, m.a. diktet «Småbilete», som også har gitt tittelen til framsyninga.
- Skodespelar Hildegunn Eggen presenterer eit fint utval av tekstar.
- Sparbu Songlag framfører komposisjonar av Magnar Grøndal, m.a. Gjentelaug, Til ein bonde, Vøggsong og Småbilete.
- John Pål Inderberg trakterer saksofonen. Han vil legge musikk til mange av tekstane, m.a. Hildegunns tolking av «Bloddråpetrall».
- Svein Kåre Haugen improviserer og leikar seg med trekkspellet og fargelegg stemningar rundt kor og skodespelar.
Kirsten Knedal Andersen står for idé og prosjektleiing for framsyninga. Ho har det musikalske ansvaret og har lagt Grøndals materiale til rette for koret. Tekstkonsulent er Arild Bye.
Arrangør: Kristofer Uppdals venner i samarbeid med 1.maikomiteen 2025 i Steinkjer og Sparbu songlag