Hildegunn & Leif-Per - UTAN Kringkastingsorkesteret
Noregs mest eksentriske humorduo er tilbake i norsk showbiz! Over 170.000 såg showa med Hildegunn og Leif-Per frå 1998-2010, men dei rakk aldri å kome til Steinkjer den gongen. Det lovar dei no å gjere bot på, og kjem attpåtil garantert UTAN Kringkastingsorkesteret. Dei er faktisk dei einaste artistane i Noreg som satsar på dette konseptet. For kven treng fiolinar, trompetar og pauker når svogeren Leif-Per er Søre Sunnmøres mest habile gitarist!?
Mykje har skjedd i livet til Hildegunn sidan sist – ho er blitt bestemor til sju, ho har skilt seg frå Per-Leif (framleis broren til Leif-Per), ho har deltidsjobb på Cubus - og har endeleg greidd å fullføre ei etterlengta coach-utdanning med diplom frå internettet.
Leif-Per har kjøpt seg hytte med vakuumtoalett, er framleis singel - men slit med å bli kvitt ei av landets største DVD-samlingar. Gled deg til ein kveld med komikk, kvardagsdramatikk og opptil fleire musikalske perler - med Hildegunn og Leif-Per Moltubakk!